នគរបាល ខេត្ត កំពង់ចាម បេីកការ បង្ក្រាប គ្រឿងញៀន ឃាត់ មនុស្ស ៦នាក់

 

ខេត្ត កំពង់ចាម  ៖  កម្លាំងជំនាញការិយា ល័យប្រឆាំងគ្រឿងញៀនខេត្ត សហការជាមួយកម្លាំងជំនាញ នៃអធិការដ្ឋាននគរបាលស្រុកព្រៃឈរ ដឹកនាំដោយលោក ឧត្តមសេនីយ៍ត្រី ជីវ សេងរស់ ស្នងការរងទទួលផែនការងារប្រឆាំងគ្រឿង ញៀន នៅថ្ងៃទី២២ ខែតុលា ឆ្នាំ២០២១ បានបេីកកិច្ចសហការបង្ក្រាប ករណីជួញដូរ ដោយខុសច្បាប់នូវសារធាតុញៀនចំនួន ០១ករណី ឃាត់ខ្លួនជនសង្ស័យបានចំនួន០៦នាក់ ជាបន្តបន្ទាប់  និងចាប់យក វត្ថុតាងបាន មួយចំនួន  ។ 

លោកឧត្តមសេនីយ៍ត្រី ជីវ សេងរស់  បានអោយដឹងថា  កិច្ច សហការ បង្ក្រាប ធ្វេីឡេីងបន្ទាប់ពីទទួលបានព័ត៌មានពីប្រជាពលរដ្ឋភ្លាម លោកឧត្តមសេនីយ៍ទោ ឯម  កុសល ស្នងការនគរបាលខេត្តកំពង់ចាម  ដោយមានការ សម្របសម្រួល ពីលោក តូច ឧត្តម ព្រះរាជ អាជ្ញា រង នៃអយ្យការអម សាលាដំបូងខេត្ត កំពង់ចាម  ។ 

លោកឧត្តមសេនីយ៍ត្រី ជីវ សេងរស់  បានបង្ហាញ អត្តសញ្ញាណជ នសង្ស័យ  និងប្រាប់អោយដឹង មុនពេលឃាត់ខ្លួនពួកគេបានទាំង៦នាក់ជាបន្តបន្ទាប់ដូចខាង  ក្រោមនេះ  ៖

    មុនដំបូង សមត្ថកិច្ចឃាត់ ខ្លួន ឈ្មោះ  ហ៊ួរ សង្ហារ ហៅ ម៉ាប  ភេទ  ប្រុស អាយុ២៩ ឆ្នាំ ជាតិខ្មែរ មុខរបរ កសិករ មានទីលំ នៅភូមិពូនប្រម៉ាត់ ឃុំត្រពាំង ព្រះ ស្រុកព្រៃឈរ ខេត្តកំពង់ចាម ( ជាមុខសញ្ញាមានថ្នាំញៀនចំនួន ០១កញ្ចប់) ។

តាមការ បំភ្លឺ ពីជនសង្ស័យខាងលើនេះបានឆ្លើយថា ថ្នាំញៀនដែលខ្លួនយកមកលក់នេះ គឺខ្លួនទិញពីអ្នកលក់ម្នាក់ ទៀត ពេលនោះសមត្ថកិច្ចបានបន្ត ទៅឃាត់ខ្លួន ជនសង្ស័យ  ឈ្មោះ ឈឹម សុខគា ហៅ ប្រលឹត ភេទប្រុស អាយុ ៣៣ឆ្នាំ ជាតិខ្មែរ មុខរបរ កម្មករ មានទីលំនៅភូមិទួលពោន ឃុំមៀន ស្រុកព្រៃឈរ ខេត្តកំពង់ចាម *(ជាមុខសញ្ញាមានថ្នាំញៀនចំនួន ០៣កញ្ចប់ )* ។

តាមការ បំភ្លឺ ជនសង្ស័យខាងលើ បានឆ្លើយថា ថ្នាំញៀនដែលខ្លួនយកមកលក់នេះ គឺខ្លួនទិញពីអ្នកលក់ម្នាក់ទៀត ពេលនោះសមត្ថកិច្ចយើងបានទៅឃាត់ខ្លួនបានចំនួន០៤នាក់ទៀត រួមមាន  ៖  ឈ្មោះ  ស៊ិន សុខនៅ ភេទប្រុស អាយុ ៣៥ឆ្នាំ ជាតិខ្មែរ មុខរបរ បើកបររថយន្ដ មានទីលំនៅភូមិអូរសង្កែលើ ឃុំមៀន ស្រុកព្រៃឈរ ខេត្តកំពង់ចាម  (ជាមុខសញ្ញាមានថ្នាំញៀនចំនួន០១កញ្ចប់ )  ,ឈ្មោះ  ធីម ថា  ភេទប្រុស អាយុ ៣០ឆ្នាំ ជាតិខ្មែរ មុខរបរ មិនពិតប្រាកដ មានទីលំនៅភូមិឃ្លោយទី២ ឃុំមៀន ស្រុកព្រៃឈរ ខេត្តកំពង់ចាម  *(ជាមុខសញ្ញាមានថ្នាំញៀនចំនួន ០១កញ្ចប់ )  ;  ឈ្មោះ ហ៊ី ម៉េងហ៊ាង 

ភេទប្រុស អាយុ ២៩ឆ្នាំ ជាតិខ្មែរ មុខរបរ បើកបររថយន្ដ មានទីលំនៅភូមិអូរសង្កែលើ ឃុំមៀន ស្រុកព្រៃឈរ ខេត្តកំពង់ចាម  និងឈ្មោះ ធី វុត្ថា ភេទប្រុស អាយុ ៣៣ឆ្នាំ ជាតិខ្មែរ មុខរបរ បើកបររថយន្ដ មានទីលំនៅភូមិឃ្លោយទី២ ឃុំមៀន ស្រុកព្រៃឈរ ខេត្តកំពង់ចាម ។

ដកហូតវត្ថុតាងរួមមាន  ៖  ថ្នាំញៀនចំនួន ០៦កញ្ចប់ មានទម្ងន់សរុបចំនួន១.២១ ក្រាមទាំងសំបក និងទូរស័ព្ទដៃចំនួន ០៦គ្រឿង ។

លោកជីវ សេងរស់  បញ្ជាក់ ថា  ចំពោះ 

ជនសង្ស័យទាំង០៦នាក់ខាងលើ បានធ្វើតេស្តសំណាកកូវីដ-១៩ ជាលទ្ធផល អវិជ្ជមាន ទាំង ០៦នាក់  ៕ ,វណ្ណៈ