លោក ហែម សារិទ្ធ អភិបាលនៃគណៈអភិបាលស្រុកស្វាយជ្រុំនាំយកអំណោយសប្បរសជនទៅជូនលោកយាយអាយុ៨៥ឆ្នាំពិការភ្នែកសងខាង

ខេត្តស្វាយរៀង ៖ នៅល្ងាចថ្ងៃទី២១ ខែតុលា ឆ្នាំ២០២១នេះ លោក ហែម សារិទ្ធ អភិបាលនៃគណៈអភិបាលស្រុកស្វាយជ្រុំ និងលោក ម៉ៅ ឡូយ ប្រធានសមាគមតាក់សុីខេត្តស្វាយរៀង នាំយកអំណោយសប្បរសជនទៅជូនលោកយាយអាយុ៨៥ឆ្នាំពិការភ្នែក ទាំងសងខាង អាយុ ៨៥ ឆ្នាំ នៅភូមិចែងមែង ឃុំអង្គតាសូ ស្រុកស្វាយជ្រំ ។

លោកអភិបាលស្រុក ហែម សារិទ្ធ បានលើកឡើងថា រូបលោកសូមអរគុណបងប្អូនសប្បុរសជនបានរ៉ៃអង្គាសលុយ និងសម្ភារ: ជូនដល់លោកយាយ ពិការ ភ្នែកទាំងសងខាង អាយុ ៨៥ ឆ្នាំ នៅភូមិចែងមែង ឃុំអង្គតាសូ ស្រុកស្វាយជ្រំ តាមរយ: លោក ម៉ៅ ឡូយ ប្រធានសមាគមតាក់សុីខេត្តស្វាយរៀង ។

រូបលោកសូមគោរពជូនពរ បងប្អូនសប្បុរសជនទាំងអស់សូមមានសុខភាពល្អ និងសូមរកសុីមានការរីកចម្រើនជាលំដាប់ ។

សូមបញ្ជាក់ថា អំណោយទាំងនោះរួមមាន អង្ក១បេ ទឹកត្រី១យួ ទឹកសុីអាវ១យួ ទឹកដោះគោឆៅនិងត្រីខ ២កេះ មីនិងទឹកសុទ្ធ ២កេះ ទឹកដោះគោ អំបិលស្កប៊ីចេង រួមនិងថវិការសុរបលុយ ៩៨០០០០រៀល ។

ជាមួយគ្នានោះលោកយាយពិការភ្នែកទាំងសងខាង ក៏បានថ្លែងរំលឹកអំណគុណដល់លោកអភិបាលស្រុក លោកប្រធានសមាគមន៍តាក់សុី និងសប្បុរសជន យ៉ាងខ្លាំងព្រោះមួយជីវិតលោកយាយមិនដែលបានទទួលអំណោយនោះទេ ពិសេសលោកយាយមិនដែលកាន់ស្ទាបលុយនោះដែរ នេះជាលើកទី១ ៕,វណ្ណៈ