ខេត្តត្បូងឃ្មុំ ៖ ក្នុងរយៈពេលថ្ងៃតែមួយ២១តុលា ឆ្នាំ២០២១នេះ កម្លាំងប៉ុស្តិ៍នគរបាលរដ្ឋបាលចំនួន០២ប៉ុស្តិ៍បានប្រេីកម្លាំងចុះបង្ក្រាបបទល្មេីសនេសាទខុសច្បាប់នៅក្នុងភូមិសាស្ត្ររៀងៗខ្លួន ។ ការ បង្ក្រាបទទួលបានលទ្ធផលល្អប្រសេីរ ដោយចាប់យកនិងកាប់បំផ្លាញចោលឧបករណ៍ល្មេីសនេសាទជាច្រេីន និង ចាក់លែងត្រីអោយចូលបឹងធម្មជាតិវិញ ។
ការបង្ក្រាបគឺធ្វើឡើងនៅក្នុងស្រុកក្រូចឆ្មារដោយកម្លាំងនគរបាលប៉ុស្តិ៍ចំនួន២
ហេីយទទួលបានលទ្ធផលដូចខាងក្រោមនេះ ៖
១-ប៉ុស្តិ៍នគរបាលរដ្ឋបាលរកាខ្នុរ ចុះបង្ក្រាប នៅចំណុចបឹងធំ ក្រោយភូមិទី៦ ឃុំរកាខ្នុរ បង្ក្រាបបាន:
-លបស្បៃមុង ចំនួន ១០មាត់
-របាំងព្រួល ប្រវែង ៤៥០ម៉ែត្រ
-បង្គោលឬស្សី ១៧៥បង្គោល
សម្ភារខាងលើត្រូវបានកាប់បំផ្លាញចោលនៅហ្នឹងកន្លែង និងចាក់ប្រលែងកូនត្រី ចំនួន ០៥ គីឡូក្រាម ។
២-ប៉ុស្តិ៍ប៉ុស្តិ៍នគរបាលរដ្ឋបាលស្វាយឃ្លាំង សហការជាមួយក្រុមប្រឹក្សាឃុំ កម្លាំងប្រជាការពារ ចុះបង្ក្រាបនៅចំណុចបឹងផ្ដៅ ក្រោយភូមិទី៤ ឃុំស្វាយឃ្លាំង បង្ក្រាបបាន:
-លបស្បៃមុង ចំនួន ០៦មាត់
-របាំងព្រួល ប្រវែង ៤៥០ម៉ែត្រ
-បង្គោលឬស្សី ៤៨បង្គោល
សម្ភារខាងលើត្រូវបានកាប់បំផ្លាញចោលនៅហ្នឹងកន្លែង ។ និងចាក់ប្រលែងកូនត្រី ចំនួន ០៧ គីឡូក្រាម ៕,វណ្ណៈ
No comments:
Post a Comment