ស្នងការខេត្តតាកែវថ្មី ជំនួសដោយលោកឧត្តមសេនីយ៍ទោ ឈាង ផាន់ណារ៉ា ពិធីប្រកាសតែងតាំងនេះនឹងធ្វើឡើងនៅថ្ងៃទី២៤ ខែវិច្ឆិកាខាងមុខ

រាជធានីភ្នំពេញ ៖ ពិធីប្រកាសផ្ទេរភារកិច្ច និងតែងតាំងមុខតំណែងស្នងការនគរបាលខេត្តតាកែវ នឹងត្រូវធ្វើឡើងនៅថ្ងៃទី២៤ ខែវិច្ឆិកា ឆ្នាំ២០២១ខាងមុខនេះ ក្រោមអធិបតីភាពរបស់នាយឧត្តមសេនីយ៍ សន្តិបណ្ដិត នេត សាវឿន អគ្គស្នងការនគរបាលជាតិ។ នេះបើតាមលិខិតរៀបចំកម្មវិធី ដែលទទួលពីមន្ត្រីសាលាខេត្តតាកែវ ។

លោកឧត្តមសេនីយ៍ទោ ឈាង ផាន់ណារ៉ា ស្នងការរងនគរបាលរាជធានីភ្នំពេញ នឹងត្រូវជំនួសលោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ ដែលត្រូវផ្លាស់ប្តូតួនាទីថ្មី ទៅជាអគ្គនាយករង នៃអគ្គនាយកដ្ឋានអត្តសញ្ញាណកម្ម៕,វណ្ណៈ