រុស្ស៊ីថា ការចរចាសន្តិភាពជាមួយអ៊ុយក្រែននៅតែបន្តជារៀងរាល់ថ្ងៃ!
ប្រមុខគណៈប្រតិភូរុស្ស៊ីបាននិយាយកាលពីថ្ងៃចន្ទថា រុស្ស៊ី និងអ៊ុយក្រែន ធ្វើកិច្ចចរចាសន្តិភាពជារៀងរាល់ថ្ងៃ តាមរយៈសន្និសីទវីដេអូ។
លោក Vladimir Medinsky បានសរសេរនៅលើបណ្តាញ Telegram របស់គាត់ថា "ការពិភាក្សាជាមួយគណៈប្រតិភូអ៊ុយក្រែនបន្តជាទម្រង់វីដេអូសន្និសីទជារៀងរាល់ថ្ងៃ ប្រាំពីរថ្ងៃក្នុងមួយសប្តាហ៍។ ទម្រង់នេះជួយសន្សំសំចៃពេលវេលា និងថវិកា។ យើងខិតខំធ្វើអ្វីគ្រប់យ៉ាងដែលអាចធ្វើទៅបានដើម្បីបំពេញភារកិច្ចដែលកំណត់ដោយ (ប្រធានាធិបតីរុស្ស៊ី) លោក វ្ល៉ាឌីមៀ ពូទីន សម្រាប់អនាគតសន្តិភាពរបស់រុស្ស៊ី"។
សង្គ្រាមរុស្ស៊ី-អ៊ុយក្រែន ដែលបានចាប់ផ្តើមកាលពីថ្ងៃទី២៤ ខែកុម្ភៈ បានទាក់ទាញការថ្កោលទោសជាអន្តរជាតិ នាំឱ្យមានការដាក់ទណ្ឌកម្មផ្នែកហិរញ្ញវត្ថុលើទីក្រុងមូស្គូ និងជំរុញឱ្យមានការបណ្ដេញក្រុមហ៊ុនសកលពីប្រទេសរុស្ស៊ី។
មុខទល់នឹងពេលនេះ យ៉ាងហោចណាស់ជនស៊ីវិល 636 នាក់ត្រូវបានសម្លាប់ និង 1,125 នាក់បានរងរបួសខណៈដែល មនុស្ស 2.8 លាននាក់ក៏បានភៀសខ្លួនទៅកាន់ប្រទេសជិតខាងផងដែរ៕
No comments:
Post a Comment